ნაშრომი წარმოადგენს სისხლის სამართალწარმოების სხვადასხვა სტადიაზე მოცემულ საპროცესო დოკუმენტების ნიმუშების კრებულს, რომელშიც ასახულია უშუალოდ დოკუმენტის ნიმუში ნორმატიული მასალის მუხლობრივი მითითებით და ავტორთა მიერ წარმოდგენილი კომენტარებით.
კრებულში შესულია საქართველოს კანონმდებლობით განსაზღვრული საპროცესო დოკუმენტების ნიმუშების ძირითადი, პრაქტიკაში ყველაზე ხშირად გამოყენებადი ნაწილი.
წარმოდგენილი ფორმატით “საპროცესო დოკუმენტების ნიმუშები”-ს კრებულის გამოცემა მიზნად ისახავს ყველა დაინტერესებულ პირს თვალნათლივ, შესაბამისი შაბლონური ფორმების სახით, წარმოუდგინოს გამოძიებისა და სასამართლო სამსჯავრო სდომის მსვლელობისას გამოყენებული დოკუმენტები.
ვფიქრობთ, ნაშრომი პრაქტიკულ დახმარებას გაუწევს, როგორც ადვოკატურის, გამოძიებასა და სასამართლო ორგანოებში მომუშავე იურისტებს, ასევე სამართალმცოდნეობის სპეციალობის საბაკალავრო და სამაგისტრო აკადემიური პროგრამების სტუდენტებს, ასპირანტებს, დოქტორანტებსა და უმაღლესი სასწავლო დაწესებულების აკადემიურ პერსონალს.
წინამდებარე ნაშრომი, აგრეთვე დააინტერესებს იმ პირებს (და მათი ოჯახის წევრებს), რომელთა მიმართ ხორციელდებოდა ან/და ხორციელდება სისხლის სამართალწარმოება და, საზოგადოდ, საქართველოს თანამედროვე სისხლის სამართლის პროცესით დაინტერესებულ ყველა პირს.
კრებულის თითოეული დოკუმენტის შინაარსი გადმოცემულია პრაქტიკაში რეალურად მომხდარ ფაქტზე დაყრდნობით, ამასთან შეცვლილია ეჭვმიტანილის, ბრალდებულის, მოწმის, ექსპერტის და პროცესის სხვა მონაწილეთა გვარები და სახელები, გარდა მოსამართლისა და პროკურორისა, ამდენად შესაძლო დამთხვევები რეალურ პიროვნებებთან არის სრულიად შემთხვევითი.
საქართველოს უზენაესი სასამართლოს გადაწყვეტილებანი მოცემულია უცვლელად.
